У пачатку 1982 года прэзыдэнт Рэйган разам з некалькімі дарадцамі пачаў распрацоўваць стратэгію, якая прадугледжвала атаку на галоўныя, самыя слабыя месцы палітычнай і эканамічнай сыстэмы СССР. Мэты і сродкі гэтага наступу былі зафіксаваныя ў сэрыі сакрэтных дырэктыў па нацыянальнай бясьпецы (NSDD), падпісаных прэзыдэнтам Рэйганам у 1982 – 1983 гадах (афіцыйных дакумэнтах прэзыдэнта, накіраваных дарадцам і дэпартамэнтам, якія займаліся ключавымі праблемамі зьнешняй палітыкі). Гэтыя дырэктывы азначалі пераход Амэрыкі ад абарончай да наступальнай палітыкі.
