2011-12-30

Канцлягер для 23 мільёнаў

Ніжэй пададзена апісаньне сустрэчы расейскай дзяржаўнай дэлегацыі ў час яе візыту ў Паўночную Карэю ў ліпені 2000 года, зробленае Андрэем Іларыёнавым.

2011-12-05

Ізраіль і Сірыя рыхтуюцца да рэгіянальнай вайны ў пэрыяд паміж сярэдзінай сьнежня 2011 і сярэдзінай студзеня 2012

Дзеяньні і словы прэм'ер-міністра Ізраіля Біньяміна Нетаньяху і сірыйскага кіраўніка Башара Асада ў апошнія 72 гадзіны паказваюць, што яны падрыхтаваліся да рэгіянальнай вайны, у тым ліку да атакі на Іран у пэрыяд са сьнежня 2011 года па студзень 2012. Крыніцы DEBKAfile на Блізкім Усходзе паведамляюць, што абодва бакі рознымі шляхамі ўказалі на тое, што імкліва набліжаецца ўзброены канфлікт:

2011-11-01

Дарога на Курапаты (Відэа)

Курапаты – гэта наша сьвятыня, месца пакутніцтва беларускага народу, дзе расейска-камуністычныя акупанты зьнішчылі каля 250 тысячаў людзей. Па маштабах злачынства і колькасьці ахвяраў Курапаты можна параўнаць з Асьвенцымам і Бухэнвальдам. Камуністы хавалі праўду аб трагедыі, спрабавалі зьнішчыць магілы, праводзілі праз урочышча газаправод, будавалі дарогу, вывозілі парэшткі расстраляных. Афіцыйная прапаганда сьцьвярджала, што ў Курапатах пахаваныя ахвяры нямецкай акупацыі. Першыя археалягічныя раскопкі ў Курапатах у канцы 1980-х гадоў правёў Зянон Пазьняк. Ягоныя адкрыцьці і паказаньні сьведак трагедыі пацьвердзілі, што ў Курапатах пахаваныя беларусы, расстраляныя НКВД у 1937–1941. Фільм “Дарога на Курапаты” быў зьняты ў 1989 годзе і ў хуткім часе забаронены. Рэжысёр Міхаіл Жданоўскі, аўтар сцэнару Аляксандр Лукашук, апэратар Сяргей Пятроўскі.

2011-10-27

Віктар Юшчанка: Цімашэнка падвяла Ўкраіну да банкруцтва

Экс-прэм'ер і лідэр партыі “Бацькаўшчына” Юлія Цімашэнка падвяла краіну да банкруцтва дзякуючы заключэньню газавых кантрактаў з Расеяй у 2009 годзе. Аб гэтым паведаміў былы прэзыдэнт Украіны Віктар Юшчанка ў прамым эфіры праграмы “Шустэр live”. Паводле яго слоў газавыя дамовы ўрада Цімашэнкі – гэта палітыка, а не матэматыка. Экс-прэзыдэнт растлумачыў, што цана на газ для Ўкраіны мусіла быць амаль у 2,5 разы ніжэй. Такім чынам, Юшчанка ацэньвае газавае пагадненьне, заключанае з удзелам Цімашэнкі, як “бомбу”, закладзеную пад сувэрэнітэт Украіны.

2011-10-21

Абмен думкамі зь Сяргеем Навумчыкам

Пасьля публікацыі ў газэце “Известия” адказу Лукашэнкі на праект Эўразійскага саюза, які быў агучаны Пуціным, дэпутат Вярхоўнага Савету XII скліканьня, адзін з бацькоў беларускай незалежнасьці Сяргей Навумчык разьмясьціў разважаньні на гэты конт пад назвай “Назад, у імпэрыю?” у сваім блогу на Радыё Свабода. Спадар Навумчык зрабіў дзьве прынцыповыя высновы:
1. Лукашэнка і Пуцін адзіныя ў галоўным – ў імкненьні аднавіць імпэрыю.
2. У чарговы раз назваўшы распад СССР (чытай – дасягненьне незалежнасьці Беларусі) “найглыбейшай, трагічнай памылкай”, Лукашэнка яшчэ раз пацьвердзіў, хто зьяўляецца самым вялікім фактарам небясьпекі для незалежнасьці краіны, якой яго паставілі кіраваць.

2011-10-04

Леанід Краўчук: Расеяй кіруе не Пуцін ці Мядзьведзеў, а палітбюро

Расеяй кіруе група людзей, а не асабіста прэм'ер Уладзімір Пуцін або прэзыдэнт Дзьмітры Мядзьведзеў. Такое меркаваньне выказаў першы прэзыдэнт Украіны Леанід Краўчук у эфіры ўкраінскага Першага нацыянальнага канала на праграме “Шустэр Live” 30 верасьня 2011.

“У Расеі склалася сытуацыя, калі кіруе не адзін ці два чалавекі, а група людзей. Ні Пуцін, ні Мядзьведзеў самі не вызначаюць стратэгіі Расеі і будучых адносін у сьвеце. Там вызначае група людзей”, – адзначыў Краўчук.

2011-09-01

Канцэпцыя Джэфры Найквіста. Частка 2. Заняпад Амэрыкі

Камунізм у ЗША. Дзейнасьць агентуры і недахоп адпаведнай рэакцыі амэрыканскага боку.

На працягу доўгага часу Саветы мелі агентуру (як шпіёнаў, так і агентаў уплыву), якая надзвычай эфэктыўна дзейнічала ў вярхах амэрыканскай адміністрацыі, і празь якую яны аказвалі ўплыў на ўнутраную, зьнешнюю і абаронную палітыку Злучаных Штатаў. Як самыя яскравыя прыклады Найквіст узгадвае Альгера Гіса (Alger Hiss), Уіттакера Чамбэрса (Whittaker Chambers), Гары Гопкінса (Harry Hopkins) і Дункана Чапліна Лі (Duncan Chaplin Lee), а таксама знакамітую “Кембрыджскую пяцёрку”.

2011-08-18

Канцэпцыя Джэфры Найквіста. Частка 1. Сучасны камунізм

Джэфры Рычард Найквіст – выпускнік Каліфарнійскага ўнівэрсытэту Ірвіна. У 1988 – 1992 гадах працаваў у амэрыканскім Абарончым разьведвальным упраўленьні (DIA), дзе займаўся СССР, постсавецкай Расеяй і КНР. У цяперашні час публікуецца на сваім уласным вэб-сайце, а таксама вядзе калёнку “Сусьветны геапалітычны аналіз” на старонках фінансава-аналітычнага сайта “FinancialSense”.

2011-08-13

Стратэгія Рональда Рэйгана

У пачатку 1982 года прэзыдэнт Рэйган разам з некалькімі дарадцамі пачаў распрацоўваць стратэгію, якая прадугледжвала атаку на галоўныя, самыя слабыя месцы палітычнай і эканамічнай сыстэмы СССР. Мэты і сродкі гэтага наступу былі зафіксаваныя ў сэрыі сакрэтных дырэктыў па нацыянальнай бясьпецы (NSDD), падпісаных прэзыдэнтам Рэйганам у 1982 – 1983 гадах (афіцыйных дакумэнтах прэзыдэнта, накіраваных дарадцам і дэпартамэнтам, якія займаліся ключавымі праблемамі зьнешняй палітыкі). Гэтыя дырэктывы азначалі пераход Амэрыкі ад абарончай да наступальнай палітыкі.

2011-08-10

Даля Грыбаўскайтэ – чалавек КПСС і КГБ?

У сувязі зь нядаўняй перадачай літоўскімі ўладамі зьвестак аб банкаўскіх рахунках беларусаў, у выніку чаго за кратамі апынуўся праваабаронца Алесь Бяляцкі, прапануем Вашай увазе перакладзены з ангельскай мовы артыкул “Прадстаўніца літоўскай дзяржавы – агент КГБ–ФСБ?” Мы ня маем магчымасьці праверыць, ці адпавядае рэчаіснасьці дадзеная інфармацыя, але афіцыйная біяграфія цяперашняга прэзыдэнта Літвы выклікае падазрэньні: занадта спрытна простае дзяўчо з рабочай сям’і прасоўвалася па кар’ернай лесьвіцы. За падобнымі ўзьлётамі, як паказвае практыка, звычайна стаіць падтрымка вельмі ўплывовых сіл:

2011-08-09

Эканамічная вайна = новы фінансавы крызыс

Новы віток фінансавага крызысу, сьведкамі якога мы зьяўляемся – гэта ня проста вынік сыстэмна-структурных праблем у эканоміках заходніх краін. Вобразна кажучы, Захад саштурхоўваюць з краю абрыву, уздоўж якога ён ідзе няўпэўненай хадой. Расея, Кітай і іх саюзьнікі сьвядома вядуць эканамічную вайну супраць Злучаных Штатаў і Эўропы.

У 2009 па замове мінабароны ЗША быў падрыхтаваны даклад, у якім былі прыведзены доказы таго, што тэрарысты або варожыя дзяржавы, выкарыстаўшы ўразьлівыя месцы амэрыканскай фінансавай сыстэмы, ажыцьцявілі фінансавую дывэрсію, якая прывяла да эканамічнага краху 2008. Калі эканамічныя аналітыкі і ўрадавая Камісія па дасьледаваньні фінансавага крызысу ўсклалі віну на такія эканамічныя фактары, як распаўсюджаньне рызыкоўнага іпатэчнага крэдытаваньня і слабае фэдэральнае рэгуляваньне і нагляд, то аўтар даклада для Пэнтагона фінансавы аналітык Кевін Фрыман дадаў да іх новы элемэнт – “вонкавыя сілы” – фактар, які камісія ўвогуле не разглядала! “Існуюць дастатковыя падставы сьцьвярджаць, што зьнешнія сілы справакавалі, павялічылі і скарысталіся эканамічнымі цяжкасьцямі 2008 года”, – гаворыцца ў дакладзе, дзе тлумачыцца, што гэтыя ўнутраныя эканамічныя фактары выклікалі б “нармальны спад”, але не “амаль што крах” сусьветнай эканамічнай сыстэмы, які меў месца.

2011-08-01

Зварот

Трагічныя падзеі ў Беларусі наўрад ці пакінулі каго-небудзь раўнадушным. Чарговае фальшаваньне выбараў, жорсткае падаўленьне пратэстаў, крывавы тэракт і эканамічны абвал у чарговы раз узьнімаюць нясьцерпныя пытаньні: “Чаму так не пашанцавала нашай краіне? Што будзе з намі далей?” Аднак нашы ўласныя бядоты могуць перашкодзіць цьвяроза ацаніць ня менш драматычныя падзеі ў сьвеце. А там зьбіраецца вялікая навальніца. Калі сьляпы павядзе сьляпога, ці не зваляцца абодва ў яму? (Мф. 15:14, Лк. 6:39) Сусьвет ужо падышоў да краю глыбокай прорвы, і чалавеканенавісьнікі вось-вось саштурхнуць яго ўніз, але павязка з фальшывых ідэалаў, ганарыстасьці і геданізму не дазваляе многім убачыць небясьпеку…

Тое, што Вы прачытаеце далей, магчыма, Вас шакіруе, але я вельмі прашу паставіцца да гэтага сур'ёзна і выдаткаваць час, каб азнаёміцца з прыведзенай інфармацыяй. Хачу падкрэсьліць, што кнігі і артыкулы, на якія даюцца спасылкі, зьяўляюцца аналітыкай вельмі высокага ўзроўню і ня маюць дачыненьня да кансьпіралёгіі. Калі Вы валодаеце ангельскай мовай, калі ласка, азнаёмцеся з дасьледаваньнямі. Яны таго вартыя.